សមាគមសម្ព័ន្ធសហគមន៍កសិករកម្ពុជា (សសកក) ជាស្ថាប័នសមាជិកភាព ដែលត្រូវបានបង្កើតឡើងនៅថ្ងៃទី ១១ ខែមករា ឆ្នាំ ២០១១ ដោយសហគមន៍ចំនួន ១២ (ខេត្តកណ្ដាល ស្វាយរៀង និងព្រះសីហនុ) ដែលធ្វើការរួមគ្នាក្នុងគោលបំណងដោះស្រាយបញ្ហាដីធ្លី ធនធានធម្មជាតិ និងការបណ្តេញដោយបង្ខំដែលកើតចេញពីគម្រោងអភិវឌ្ឍនានា ដោយប៉ះពាល់ការរស់នៅរបស់កសិករ។
សមាគម CCFC ត្រូវបានគ្រប់គ្រងដោយគណៈកម្មាធិការប្រតិបត្តិសម្រាប់ដឹកនាំកិច្ចការងារប្រត្តិបត្តិការរបស់ខ្លួន ដែលគាំទ្រដោយក្រុមប្រឹក្សាតំណាងដែលជាអ្នកធានាបាននូវអភិបាលកិច្ចរបស់គណកម្មការប្រតិបត្តិ។ ស្ថាប័នគ្រប់គ្រងទាំងនេះត្រូវបានជ្រើសរើសដោយសមាជិកតាមរយៈប្រព័ន្ធប្រជាធិបតេយ្យផ្ទៃក្នុង និងទទួលបានសិទ្ធិគ្រាប់គ្រាន់ដើម្បីធ្វើការសម្រេចចិត្តជាយុទ្ធសាស្ត្រ។ គណៈកម្មាធិការប្រតិបត្តិទទួលបានការគាំទ្រផ្នែកបច្ចេកទេស និងតម្រង់ទិសបន្ថែមរបស់ខ្លួនលើផ្នែកប្រតិបត្តិការពីក្រុមប្រឹក្សាតំណាង បុគ្គលិកបច្ចេកទេស និងគណៈកម្មាធិការផ្សេងៗ ដើម្បីធានាបាននូវការគ្រប់គ្រងប្រកបដោយប្រសិទ្ធភាពនៃធនធាន បុគ្គលិក និងសមាជិក។
រហូតមកដល់បច្ចុប្បន្នសមាគម CCFC បានអនុម័តគោលការណ៍ និងគោលនយោបាយសំខាន់ៗ រួមមាន គោលនយោបាយបុគ្គលិក ច្បាប់ គោលនយោបាយហិរញ្ញវត្ថុ បទបញ្ជាផ្ទៃក្នុង សៀវភៅណែនាំសមាជ គោលនយោបាយរដ្ឋបាល គោលនយោបាយយេនឌ័រ គោលនយោបាយប្រឆាំងអំពើពុករលួយ សៀវភៅណែនាំសមាជិកភាព សៀវភៅណែនាំការវិភាគការងារ និងគោលនយោបាយគ្រប់គ្រងទ្រព្យសម្បត្តិ។ ខណៈពេលដែលគោលនយោបាយភាគច្រើនត្រូវបានរចនាឡើងដោយគណៈកម្មាធិការប្រតិបត្តិ និងអនុម័តដោយក្រុមប្រឹក្សាប្រឹក្សា គោលនយោបាយហិរញ្ញវត្ថុ និងរដ្ឋបាលត្រូវបានបង្កើតឡើងដោយអ្នកជំនាញ។ សមាគម CCFC ធានាថា មូលនិធិទាំងអស់ត្រូវបានគ្រប់គ្រងដោយការទទួលខុសត្រូវ និងត្រូវបានប្រើប្រាស់ប្រកបដោយប្រសិទ្ធភាពសម្រាប់ជាប្រយោជន៍ដល់សមាជិករបស់ខ្លួន ដោយប្រកាន់ខ្ជាប់យ៉ាងតឹងរ៉ឹងចំពោះកិច្ចព្រមព្រៀង និងសៀវភៅណែនាំថ្លៃសមាជិកភាព។
២.១ ការទទួលស្គាល់ស្របច្បាប់ និងចុះបញ្ជី
សមាគមCCFC សម្រេចបាននូវចំណុចសំខាន់ៗជាច្រើនក្នុងការទទួលស្គាល់ផ្លូវច្បាប់៖
តាមរយៈការកសាងរអភិបាលកិច្ចរឹងមាំ ការអនុវត្តគោលនយោបាយដ៏រឹងមាំ និងការសម្រេចបាននូវការទទួលស្គាល់ផ្នែកច្បាប់សមាគមCCFC បន្តធ្វើការឆ្ពោះទៅរកបេសកកម្មរបស់ខ្លួនក្នុងការដោះស្រាយបញ្ហាប្រឈមរបស់កសិករនិងតស៊ូមតិដើម្បីសិទ្ធិនិងការអភិវឌ្ឍន៍ប្រកបដោយចីរភាព។
© ២០២៣ រក្សាសិទ្ធិគ្រប់យ៉ាងដោយ សម្ព័ន្ធសហគមន៍កសិករកម្ពុជា
ផ្ទះលេខ ១៦-១៧ ផ្លូវ លំA ភូមិ សង្កាត់ និងខណ្ឌព្រែកព្នៅរាជធានីភ្នំពេញ
